Almatyda Qazaqstan Respublıkasynyń Ūlttyq Ǵylym akademıyasynda ŪOS ardagerí Zūlharnaı Seıítovtíń aǵylshynsha shyqqan «Biochemister» kítabynyń tūsaukeserí óttí. Sondaı-aq, ardagerdíń ómírínen habar beretín fılm kórsetíldí. Fılm barysynda «Almaty aqshamy» gazetínde jarıyalanǵan Z.Seıítov turaly maqala jaıynda jaqsy aıtylyp óttí.
«Bıohımıya» kítaby Ūly Otan soǵysynyń ardagerí Zūlharnaı Seıítovtíń 100 jyldyǵyna arnaldy. Tūsaukeserge Qorǵanys mınıstríníń orynbasary, general-leıtenant Mūhamedjan Talasov, QR QK ardagerlerí, Almaty garnızonynyń áskerı qyzmetshílerí, ákímdík ókílderí jáne joǵary oqu oryndarynyń professor-oqytushylar qūramy, sondaı-aq mádenıet, qoǵam qaıratkerlerímen bírge BAQ ókílderí qatysty.
«Zūlharnaı Seıítov 22 jasqa tolǵan shaǵynda soǵysqa qatysty. Erlígín kórsettí. Būdan keıín atamyz ǵalym retínde medıtsınaǵa ólsheusíz úles qosty. Qanshama shákírt tárbıeledí. Magıstranttar men doktoranttarǵa arnalǵan «Bıohımıya» kítabyn qazaq, orys, aǵylshyn tílderínde shyǵardy. 1980 jyly Z.Seıítov «Bıohımıya» kítaby úshín «Tarlan – Platına» syılyǵynyń nomınatsıyasyna ıe boldy. Būl - klassıkalyq, medıtsınalyq, bıohımıyalyq kítap. Onda amın qyshqyly, beloktardan bastap zat almasu protsesín, júıke júıesín, dáneker ūlpasyn, bauyr bıohımıyasyn sıpattap ótedí. Kítapqa búgínde sheteldík ǵalymdar da óz qyzyǵushylyǵyn tanytuda», – deıdí bıologıya ǵylymynyń doktory, professor Kamaladın Shárípov.
Zūlharnaı Seıítov soǵys bastalǵan kezde Lenıngrad maıdanyna attandy. Ol qorshauda boldy, shaıqastarda Stalıngradty, Belarussıyany, Polshany bosatty, Berlındí aldy. Ardager «Qyzyl Jūldyz», «Otan soǵysy» ordenderímen jáne «Erlígí úshín» medalímen marapattaldy.
«Búgíngí shara bízdíń jastarymyzǵa úlken taǵylym, tárbıe bererí sózsíz. Zūlharnaı Seıítūlynyń adal ísí qanshama ūrpaqty tárbıelep ósíríp, búgínde sol shákírtterí rahatyn kóríp otyr. Atamyz tírí ańyz adam. Qan maıdanda erlígímen de tanylǵan. Fılmde de aıtylady ǵoı, ol kísí mení saqtaǵan bírínshí Qūdaı bolsa, ekínshí áruaqtar dep. Qanshama jyldardy artqa qaldyryp, elímízge eselí eńbegíńíz tıdí. Baı-quatty bolyp aldymyzda máńgí júre beríńíz. Atamyzdy Qorǵanys mınıstríníń atynan «El qorǵany» tósbelgísímen marapattaımyz», – deıdí Qorǵanys mınıstríníń orynbasary, general-leıtenant Mūhamedjan Talasov.
Ol soǵystan keıín Otanyna qyzmet etudí jalǵastyrdy, medıtsına salasynda óz ísíníń kórnektí mamany boldy. Z.Seıítov - bıologıya ǵylymynyń doktory, ónertapqysh, Qazaqstannyń eńbek síńírgen qaıratkerí. Ol - «Qazaq balzamynyń» jáne medıtsına men bıohımıyadaǵy basqa da jańalyqtardyń avtory. Beıbít ómírdegí eńbegí eskerílíp, «Eren eńbegí úshín» medalímen marapattalǵan.