Jalǵyzbasty ana retinde áleýmettik járdemaqymen kún kórgen Djoan Roýlıng qalaı mıllıarder boldy?
Djoan Roýlıng — álemdegi eń tanymal jazýshylardyń biri. Biraq onyń ómir joly ońaı bolǵan joq (kimde ońaı boldy deısiń). Ol kedeıshilikte ómir súrdi. Biraq «tar jol, taıǵaq keshe» júrip óziniń tabandylyǵymen álemge tanylyp, sheksiz baılyqqa ıe boldy.
Anglıanyń Ieıt qalasynda dúnıege kelgen Djoan bala kezinen ádebıetke jaqyn bolady. Oqyǵandy, jazǵandy jaqsy kóredi. Fransýz fılology retinde oqýyn aıaqtaǵanymen, áýelgi ýaqytta túrli jumystar isteıdi. Sosyn Portýgalıaǵa kóshedi de jergilikti jýrnalıspen otbasyn qurady.
Biraq nekesi sátsiz bolyp, qyzy dúnıege kelgennen keıin ajyrasyp tynady. Sóıtip, Ulybrıtanıaǵa qaıta oralyp, jumyssyz qalady. Sol tustarda áleýmettik járdemaqymen kún kórip, jalǵyzbasty ana retinde úlken qıyndyqtarǵa kezigedi. Aqshadan taryǵyp, aqyr sońynda kúızeliske túsedi de, depressıamen alysyp ketedi.
Eger bilip otyrsańyz, bizdiń bul keıipkerimiz áıgili «Hárrı Potter» shyǵarmasynyń avtory. Iá-ıá, solaı. Sonda ol kitap qalaı jazyldy?
Ne kerek, «Hárrı Potter» ıdeıasy oǵan poıyzda kele jatqanda keledi ǵoı. 1990-jyldardyń tusy. Djoan kún saıyn kafe men kitaphana jaǵalap, qyzy uıyqtap jatqanda jazýǵa kirisedi. Birinshi kitaby 1995 jyly aıaqtalǵanymen, ony basyp shyǵarý ońaı bolmaıdy.
Djoan Roýlıng óziniń qoljazbasyn kóptegen baspa úıine jiberedi, biraq 12 baspa ony qabyldaýdan bas tartady. Arada bir jyl ýaqyt ótkende Bloomsbury baspasy jarıalaýǵa kelisedi. Sóıtip, 1997 jyly «Hárrı Potter jáne pálsapa tas» degen ataýmen birinshi kitap jaryq kóredi de, artynsha birden tanymaldylyqqa ıe bolady.
Kitaptyń tanymaldyǵy artady. Kóptegen elde tırajy ósedi, aqyr sońynda oqıǵa jelisi kınoǵa suranyp, quqyǵy Warner Bros. stýdıasyna satylady.
«Hárrı Potter» serıalyq kitap qoı. Jeti kitaby shyǵady da, 80-nen astam tilge aýdarylyp, tırajy 500 mıllıonnan asady. Sóıtip, Djoan Roýlıng álemdegi eń baı jazýshyǵa aınalady. Onyń baılyǵy 1 mıllıard dollardan asady. Biraq ol úlken bóligin qaıyrymdylyqqa jumsaıdy.
Sonda Djoan Roýlıngtiń tabysty bolýyna sebep bolǵan qasıetter, onyń:
tabandylyǵy — qanshama qıyndyqqa qaramastan, jazýyn toqtatqan joq
eńbekqorlyǵy — kún saıyn kitap jazýǵa ýaqyt bóldi
ishki baı álemi — oqyrmanyn baýrap alarlyq álem qurdy
senimi — baspalar bas tartsa da úmitin úzgen joq
Túıin: Kedeıdiń kúıin keshseń de — tabandy bolsań, ol qasıetińdi shyǵarmashylyǵyńmen ushtastyra alsań, senimińdi joǵaltpasań, baılyq ózi-aq qol bulǵap tur eken-aý?!
*"Kitap úzindisi" telegram kanalynan alynǵan