Endi «Bolashaq» baǵdarlamasymen álemniń taǵy 25 oqý ornynda bilim alýǵa bolady
Búginde qazaqstandyqtar «Bolashaq» baǵdarlamasy boıynsha shet elderdiń 236 joǵary oqý ornynda bilim alady. Al bıyldan bastap bilim ordalarynyń qatary keńeıe túspek, dep habarlaıdy Almaty-akshamy.kz.
Bul týraly Ashyq NQA portalynda jarıalanǵan Ǵylym jáne joǵary bilim mınıstriniń buıryǵynda jazylǵan.
Qujatta jazylǵandaı, bıyl QS World University Rankings, Times Higher Education World University Rankings sıaqty halyqaralyq akademıalyq reıtıńter jańartyldy. Osyǵan balanysty «Bolashaq» baǵdarlamasymen bilim alýǵa bolatyn sheteldik oqý oryndarynyń qatary keńeıedi, dep jazady Qazaqparat
Atap aıtqanda, qazaqstandyqtar endi «Bolashaqpen» myna ýnıversıtetterge túse alady:
- San-Paýlý ýnıversıteti (Sao Paulo ýnıversıteti);
- Lýven katolıktik ýnıversıteti (Université Catholique de Louvain);
- Berlındegi Gýmboldt ýnıversıteti (Berlın Gýmboldt ýnıversıteti);
- Pompeý Fabra Ýnıversıteti (Universidad Pompeu Fabra);
- Padýa ýnıversıteti (Università di Padova);
- Sychýan ýnıversıteti (Sichuan University);
- Ońtústik ǵylym jáne tehnologıalar ýnıversıteti (Southern University of Science and Technology);
- Lozanna federaldy polıtehnıkalyq mektebi (Swiss Federal Institute of Technology Lausanne);
- Ýhan Ýnıversıteti (Wuhan University);
- University of California, Santa Cruz.
Sondaı-aq, «Bolashaq» baǵdarlamasyn tehnıkalyq mamandyqtarǵa baǵdarlaý úshin ınjenerlik-tehnıkalyq beıindegi kadrlardy daıarlaýǵa arnalǵan mynadaı fransýz jáne vengr joǵary oqý oryndarynda bilim alýǵa múmkindik usynylady:
- Joǵary basqarý, aqparattyq tehnologıalar jáne komýnıkasıa mektebi (IMT);
- Joǵary ınjenerlik mektep (ESTP);
- Lıonnyń ulttyq qoldanbaly ǵylymdar ınstıtýty (INSA);
- Ulttyq Kópirler men joldar mektebi (ParisTech);
- Grenobl Alpi ýnıversıteti (Grenobl polıtehnıkalyq ınstıtýtyn qamtıdy);
- Lotarıngıa Ýnıversıteti;
- Strasbýrg Ýnıversıteti;
- Pýate Ýnıversıteti;
- Bordo Ýnıversıteti;
- Eks-Marsel Ýnıversıteti;
- Lıon Joǵary Injenerlik Mektebi;
- Nant Joǵary Injenerlik Mektebi;
- Bordo saıası zertteýler ınstıtýty (Science Po Bordeaux)
- Seged ýnıversıteti;
- Debresen ýnıversıteti.
«JOO tiziminiń qoldanystaǵy redaksıasynda 236 JOO bar. Osy tolyqtyrýdy eskere otyryp, olardyń sany 28 elden 261 oqý ornyna deıin ulǵaıady», - dep túsindirme berilgen buıryq jobasyna.
Qujat 15 maýsymǵa deıin kópshilik talqylaýda bolady.
Eske sala keteıik, 5 maýsymda «Bolashaq» stıpendıasyna ótinim qabyldaý bastalady.