Avstralıa men Kanada ǵalymdary álemdik muhıt túbine shókken plasık mólsherin eseptedi.
Ǵalymdardyń esebi boıynsha muhıt túbine 11 mln tonnaǵa deıin plasık shókken. Olardyń jartysy tuńǵıyqta jatyr. Bul zertteý óz kezeginde plasıkpen lastanýdyń saldarymen kúresýge ári onyń qorshaǵan ortaǵa zıanyn anyqtaýǵa kómektesýi múmkin, dep habarlaıdy Almaty-akshamy.kz. Islam.kz portalyna cilteme jasap.
Ǵalymdar bul tarapta muhıt túbindegi plasıktiń mólsheri men taralý aýmaǵyn baǵalaıtyn eki boljamdy model jasaý úshin ǵylymı baqylaý derekterin paıdalandy. Birinshi model sý asty álemin zertteıtin qashyqtan basqarylatyn kólikterdiń derekterine, al ekinshisi balyq aýlaý kezinde paıdalanylatyn túpki traldarǵa negizdelgen. Sýasty derekterine sáıkes muhıt túbinde 11 mıllıon tonnaǵa deıin plasık qaldyqtary bar.
Onyń ústine, olardyń 46%-y 200 m-ge deıingi tereńdiktegi kontınentter tóńireginde shoǵyrlanǵan, muhıttyń tereń aýdandarynda 54% qaldyq bar. Zertteýshiler muhıt tereńindegi plasıktiń qozǵalysy men jınalýyna yqpal etetin qozǵaýshy kúshterdi anyqtaýdyń mańyzdylyǵyn atap ótti. Bul shara óz kezeginde plasıktiń teńizdegi tirshilik ıelerine tóndiretin qaýip-qaterdi azaıtýǵa, jáne qorshaǵan ortany qalpyna keltirý jumystaryn jaqsartýǵa kómektesedi.