Eń qymbat qalalar reıtingi jarıalandy
Economist Group "2021 jylda álemdegi ómirdiń baǵasy" atty zertteýdiń nátıjesin jarıalady. Bıyl 173 qalanyń ishinen Izraıldiń Tel-Avıv qalasy ómir súrý úshin eń qymbat qala bolyp tanyldy, dep habarlaıdy Almaty-akshamy.kz
Megapolıs osy reıtıńte alǵash ret birinshi orynǵa shyqty. Byltyr Tel-Avıv besinshi orynda bolǵan. Al onyń aldynda Parıj, Gonkong, Osaka men Jeneva turdy. Osylaısha, bir jyldyń ishinde Tel-Avıv qymbatshylyq jaǵynan bes birdeı qalany artta qaldyrdy.
Jańa reıtıńte Parıj ben Sıngapýr ekinshi oryndy bólisip otyr. Úshinshi orynda – Súrıh, al Gonkong tórtinshi orynǵa tústi. Odan keıin Nú-Iork, Jeneva, Kopengagen, Los-Andjeles pen Osaka tur.
Sarapshylardyń aıtýynsha, bıyl ızraıldik shekeldiń dollarǵa shaqqandaǵy baǵamy kúsheıdi. Al azyq-túlik qymbattady, qoǵamdyq kólikte jol júrý aqysy da kóterilip ketti.
Tel-Avıvte taýar men qyzmetterdiń baǵasy ortasha eseppen 3,5 prosentke ósken. Sol sebepti bıyl osy megapolıs eń qymbat qalalardyń kóshin bastady.