Fılm on bes astarly áńgime men fılosofıalyq traktattardan turady.
15 serıaly «Abaıdyń qara sózderi» fılminiń túsirilimi aıaqtaldy, dep habarlaıdy Almaty-akshamy.kz.
Qazaqparattyń málimetinshe, Abaıdyń 175 jyldyǵyna arnalǵan kınojobany QR Prezıdentiniń Teleradıokesheni Qazaqstan Respýblıkasy Mádenıet jáne sport mınıstrliginiń tapsyrysy boıynsha «Ulttyq kınony qoldaý memlekettik ortalyǵynyń» qoldaýymen ázirlegen.
Basty keıipkerlerdi Qazaqstan kınematografıasynyń eńbek sińirgen akterleri – Tuńǵyshbaı Jamanqulov, Jan Baıjanbaev, Erik Joljaqsynov, Nurlan Álimjanov, Arýjan Jazylbekova, Berik Aıtjanov, Aıan Ótepbergen jáne basqalar somdady.
«Bizdiń jumysymyz qazaq ádebıetiniń klassıgi, aqyn, qoǵam qaıratkeri jáne XIX ǵasyrdaǵy uly aǵartýshynyń jarqyn murasy «Qara sózderdi» nasıhattaýǵa úles qosady dep úmittenemiz», – dedi R.Qajybaeva.
Kórkem kınojobanyń túsirilimi Almaty qalasy men Almaty oblysynyń túrli aımaǵynda ótti. Qazirgi ýaqytta grafıkalyq jumystar men tústerdi túzetýdiń sońǵy sátteri júrip jatyr. Fılm qazaq, orys jáne aǵylshyn tilderinde túsirilgen. Kórkem kınojoba ashyq túrde ınternet-platformalarda jarıalanyp, álemdik telearnalarda kórsetiledi.