Forbes dollarlyq mıllıarderlerdiń reıtıńin jarıalady. Ekinshi jyl qatarynan Louis Vuitton Moët Hennessy (LVMH) kompanıalar tobynyń basshysy Bernar Arno 233 mıllıard dollar baılyǵymen álemdegi eń baı adam atandy. Bir jyldyń ishinde ol 22 mıllıard dollarǵa baıyǵan.
Ekinshi orynda Tesla jáne SpaceX kompanıalarynyń ıesi Ilon Mask tur. Ol bıylǵy jyly da tabysy molaıyp, Amazon bas dırektory Djeff Bezosty basyp ozdy. Osylaısha Djeff Bezos álemdegi úshinshi dáýletti adam bolyp qaldy. Mask bir ishinde 15 mıllıard dollar tabysqa kenelse, Bezos 80 mıllıard dollarǵa baıypty.
Meta bas dırektory Mark Sýkerberg alǵashqy ondyqtar tizimine kirdi. Onyń baılyǵy bir jylda 64,4 mıllıard dollardan 177 mıllıard dollarǵa deıin ósken. Aıta ketý kerek, bul bıylǵy álemdegi dáýletti adamdar arasyndaǵy eń jyldam ósim. Úzdik jıyrmalyqqa bir ǵana áıel kirdi. Ol – L'Oréal tóraǵasynyń orynbasary Fransýaza Bettankýr-Maıers.
Sonymen álemdegi eń baı 20 adam bilesiz be? Bile júrińiz, olar:
Bernar Arno jáne otbasynyń baılyǵy (LVMH) – $233 mıllıarda;
Ilon Mask (Tesla, SpaceX) – $195 mıllıar;
Djeff Bezos (Amazon) – $194 mıllıar;
Mark Sýkerberg (Meta) –$177 mıllıar;
Larrı Ellıson (Oracle) – $141 mıllıard;
Ýorren Baffett (Berkshire Hathaway) – $133 mıllıard;
Bıll Geıts (Microsoft, ınvestısıı) – $128 mıllıard;
Stıv Balmer (Microsoft) – $121 mıllıard;
Mýkesh Ambanı (Reliance Industries, ınvestısıı) – $116 mıllıard;
Larrı Peıdj (Google) – $114 mıllıard;
Sergeı Brın (Google) – $110 mıllıard;
Maıkl Blýmberg (Bloomberg LP) – $106 mıllıard;
Amansıo Ortega (Zara) – $103 mıllıard;
Karlos Slım Elý jáne otbasy (America Movil) – $102 mıllıard;
Fransýaza Betankýr-Maıers jáne otbasy (L’Oréal) – $99,5 mıllıard;
Maıkl Dell (Dell) – $91 mıllıard;
Gaýtam Adanı jáne otbasy (Adani Group) – $84 mıllıard;
Djım Ýolton jáne otbasy (Walmart) – $78,4 mıllıard;
Rob Ýolton jáne otbasy (Walmart) – $77,4 mıllıard;
Djensen Hýang (Nvidia) – $77 mıllıard.