Jalpy Qytaı ıýanindaǵy aınalym naryqtyń 4%-in quraıdy.
"Bank for International Settlements" (Halyqaralyq esep aıyrysý banki) qazan aıynyń sońynda sheteldik valútalardyń bırjadan tys aınalymyna qatysty úsh jyldyq sholý esebin jarıalady, dep habarlaıdy Almaty-akshamy.kz Inbusiness.kz silteme jasap.
Oǵan sáıkes, bıylǵy sáýir aıynda búkil álem boıynsha valúta saýdasynyń ortasha kólemi 7,5 trln dollarǵa jetken. Bul 2019 jylǵy kórsetkishten (6,6 trln dollar) 14%-ke joǵary.
Álem boıynsha jıi saýdalanatyn valútalar bestigi mynadaı: birinshi orynda aınalymy 6,6 trln dollar -AQSH dollary, ekinshi orynda aınalymy 2,3 trln dollardy quraıtyn -eýro, úshinshi orynda japon ıeni tur, onyń aınalymy 1,2 trln dollar, tórtinshi orynda 968 mlrd dollar kólemmen aınalymda júretin fýnst-sterlıng, besinshi orynda qytaı ıýani. Onyń álemdik aınalymy 526 mlrd dollardy quraıdy.
Jalpy Qytaı ıýanindaǵy aınalym naryqtyń 4%-in quraıdy. Banktiń 2019 jylǵy esebinde ol segizinshi orynǵa turaqtaǵan edi.
Al, álem boıynsha AQSH dollary jetekshi valúta bolyp qala beredi, onyń naryqtaǵy úlesi - 88%. Eýronyń naryqtaǵy úlesi 30,5%, alaıda 2019 jylǵy esepte bul kórsetkish 32% bolatyn.