Vaksınalarǵa suranys joǵary
Sársenbi kúni Dúnıejúzilik densaýlyq saqtaý uıymynyń bas dırektory Tedros Adhan Gebreıýs álemdegi maımyl sheshegi aýrýyna qatysty baspasóz máslıhatyn ótkizdi, dep habarlaıdy Almaty-akshamy.kz QazAqparatqa silteme jasap.
DSU basshysy qazirgi ýaqytta uıymǵa 92 el men aýmaqtan maımyl sheshegin juqtyrýdyń 35 myńnan astam jaǵdaıy týraly habarlama túskenin, bul rette 12 adam kóz jumǵanyn atap ótti.
Ótken aptada 7 myń 500-ge jýyq jaǵdaı tirkeldi, bul aldyńǵy aptaǵa qaraǵanda 20%-ǵa kóp.
«Vaksınalar órshigen aýrýmen kúreste mańyzdy ról atqara alady jáne kóptegen elderde zardap shekken qaýymdastyqtar arasynda vaksınalarǵa suranys joǵary», - dedi DDU basshysy.
Alaıda, qazirgi ýaqytta vaksınalardyń qory men olardyń tıimdiligi týraly málimetter shekteýli. DDU vaksına óndirýshilermen, sondaı-aq ekpelerin bólisýge daıyn eldermen jáne uıymdarmen tyǵyz baılanysta.
Ótken aptada habarlaǵanymyzdaı, DDU shaqyrǵan sarapshylar keńesi maımyl sheshegi vırýsynyń eki tobynyń atyn rım sıfrlarymen ózgertý týraly sheshim qabyldady.
Buryn Kongo ózeni baseıniniń aýrýy dep atalatyn indettiń nusqasy endi «birinshi top nemese I» dep atalady. Batys Afrıkanyń ártúrliligi «ekinshi top nemese II» dep atalady.
«Aýrý men vırýstyń atyn ózgertý jumystary jalǵasýda», - dep atap ótti DDU basshysy.