Jyl saıyn jol-kólik oqıǵasy (JKO) saldarynan álemde 1,3 mıllıon adam mert bolady, ıaǵnı ár 24 sekýndta bir adam qaza tabýda. Mıllıondaǵan adam jaraqat alady nemese múgedek bolady. Bul másele BUU Bas assambleıasynyń jol qozǵalysy qaýipsizdigine arnalǵan otyrysynda talqylanyp jatyr, dep habarlaıdy Almaty-akshamy.kz Inform.kz-ke silteme jasap.
«Jol-kólik oqıǵasy – dóńgelegi bar tynysh epıdemıa sıaqty. Bul kezdesý – naqty sharalar qabyldaýǵa jáne progreske jetý úshin óte mańyzdy múmkindik», – dedi BUU Bas hatshysy.
Búgin BUU basshysy atap ótkendeı, jol-kólik oqıǵasy álemdegi 5-29 jas aralyǵyndaǵy jastardyń óliminiń eń kóp taralǵan sebebi. 10 qurbannyń toǵyzy ortasha jáne tabysy tómen elderge tıesili. Bas hatshy Antonıý Gýterrısh joldaǵy ólim-jitim ınfraqurylymnyń nasharlyǵyna, damymaǵan ýrbanızasıaǵa, densaýlyq saqtaý júıesiniń álsizdigine jáne el ishindegi jáne memleketter arasyndaǵy teńsizdikke baılanysty ekenin atap ótti.
«Jol-kólik oqıǵalary januıalardy asyraýshysynan, tabys kózinen aıyryp, uzaq ýaqyt medısınalyq kómekke muqtaj etýi múmkin», - dedi BUU basshyy.
Gýterrısh memleketterdi joldaryn jaqsartýǵa shaqyryp, tegis joldardyń turaqty damýǵa aparatynyn atap ótti.