Almatyda semserlesý sportynan álem kýbogy úshin tartys máresine jetip, onda qazaqstandyq sportshylar táp-táýir óner kórsetti. Atap aıtqanda, Serikbaı Adema – Almatyda ótken jasóspirimder arasyndaǵy bedeldi halyqaralyq týrnırdiń qola júldegeri atandy.
1/16 aınalymyna ótý úshin Adema Serikbaı jerlesi KENENBAEVA Tańsholpandy 15:9, 1/8 aınalymynda otandasy KO Polınany 15:14 esebimen utty. Ol sondaı-aq, Vladıslav SIDZELNIKAVANY (AIN) 15:14 esebimen jeńip, jartylaı fınalda Ózbekstan sportshysy Gúlistan PERDEBAEVAdan 13:15 esebimen utylyp qaldy. Týrnırdiń altyny men kúmisi Ózbekstanǵa ketti. Jarys jeńimpazy PERDEBAEVA Gúlıstan da, ekinshi júldeniń ıegeri -JUMAMARATOVA Aıagóz.Aıta keteıik, jerlesimiz Adema 2022 jyly ol Jastar Saber Cup jasóspirimder arasyndaǵy álem kýbogynda da qola júldege ıe bolǵan edi.
Sonymen qatar, Jaılybaı Nurmuhammed pen Nurqatuly Qaınazardyń da Álem Kýbogynyń júldegerleri atanǵanyn qýanyshpen habarlaımyz. Jeke jarystardyń ekinshi kúni qazaqstandyq qylyshshylar jeńiske degen jigerlerin tanytyp, Qaınazar qola aldy, al Jaılybaı Nurmuhammed kúmis medal jeńip aldy.Al, Álem Kýbogynynyń jeńimpazy Túrkıadan kelgen KUPELI ADEM doruk sportshysy boldy, al onyń komandalasy KALENDER Enes Talha qola medal jeńip aldy.