Kásibı serjanttardy toǵystyratyn saıys bıyl 22 tamyzda bastalatyn Armıa halyqaralyq oıyndary aıasynda ótedi.
Búgingi kúni toǵyz áskerı qyzmetshi fınalǵa shyqty dep habarlady Almaty-akshamy.kz. QR Qorǵanys mınıstrliginiń baspasóz qyzmetine silteme jasap.
Qazaqstan qurama komandasyna olardyń tórteýi kiredi, taǵy ekeýi qosalqy orynda bolmaq. Olar motoatqyshtar jáne tank bólimshelerinde, sondaı-aq Armıa ortalyq sport klýbynda qyzmet etedi.
Saıystyń áskerı-sporttyq kezeńi 100 shaqyrym júgirýdi, qashyqtyqqa granata laqtyrýdy, kedergiler jolaǵyn ıgerýdi jáne keshendi estafetadan ótýdi qamtıdy. Atys daıarlyǵy kezinde atystyń túrli normatıvteri oryndalady. Sonymen qatar baıqaýda shyǵarmashylyq kezeń men tarıhqa qatysty emtıhan tapsyrý da bar.
– İrikteýge Qazaqstan Qarýly Kúshteriniń barlyq ásker túrinen, óńirlik qolbasshylyǵynan jáne áskerı bóliminen kil myqtylar qatysýda. Jigitterdiń daıyndyǵy myqty, jaýyngerge tán shymyrlyq beriktik, shydamdylyq sıaqty qasıettermen erekshelenedi. Jeńiske degen umtylystary basym. Degenmen, taktıka boıynsha jumys isteý kerek. Qazirgi tańda tájirıbeni shyńdaý úshin jumys jasaýdamyz. Armıa jaýyngerleriniń saıysta júldemen oralýyna barlyq múmkindigi bar, – dedi «Astana» óńirlik qolbasshylyǵynyń shtab-serjanty Qýandyq Madıarov.
Qazaqstandyq komanda birneshe márte «Álem jaýyngeri» halyqaralyq baıqaýynda júldeli oryndarǵa ıe boldy. Aıta ketsek, 2016 jyly Reseıde bizdiń áskerı qyzmetshiler jalpykomandalyq úshinshi oryn, 2017 jyly Belarýs elinde – ekinshi oryn alsa, 2018 jyly Armenıada – birinshi oryn alǵan bolatyn.