Ótkízílgen keńes barysynda jobaǵa qatysushylardyń bayandamalary tyńdalyp, alǵashqy úsh aıdaǵy qyzmet qorytyndylary boıynsha baǵa beríldí.
Joba sheńberínde qolda bar geologıyalyq-geofızıkalyq derekterdí qaıta óńdeu men qaıta túsíndírudíń ozyq ınnovatsıyalyq tehnologıyalaryn qoldana otyryp, Kaspıı mańy oıpatynyń qazaqstandyq bólígíníń tūzasty shógíndíleríníń tereń geologıyalyq qūrylymyn zerdeleu josparlanuda.
2021 jylǵy 9 mausymda Almaty qalasynda QR ekologıya, geologıya jáne tabıǵı resurstar vıtse-mınıstrí Seríkqalı Brekeshevtíń tóraǵalyǵymen "Eurazıya" jobasynyń 1-fazasy jūmysynyń alǵashqy úsh aıynyń qorytyndysyn talqylau boıynsha keńes óttí dep habarlady Almaty-akshamy.kz. QR Ekologıya, geologıya jáne tabıǵı resurstar mınıstrlígíníń Geologıya komıtetíníń baspasóz qyzmetíne sílteme jasap.
Keńeske QR EGTRM Geologıya komıtetíníń tóraǵasy Talǵat Satıev, komıtettíń óńíraralyq departamentteríníń basshylary, konsortsıum kompanıyalarynyń ókílderí qatysty.
«Evrazıya» jobasynyń Faza-1 baǵdarlamasyn íske asyrudy «Geoken» JShS, «Merıdıan Eurazıya» JShS jáne «PGS Qazaqstan» JShS qūramyndaǵy konsortsıum oryndaıdy.
Kaspıı mańy oıpatynyń bír bólígí Qazaqstanmen Kaspıı teńízí boıynsha shekaralas elderdíń aumaǵynda ornalasqandyǵyn eskere otyryp, jobany íske asyru geologıyalyq-geofızıkalyq aqparatpen almasu jáne Kaspıı mańy oıpatyn zertteu boıynsha júrgízíletín jūmystardyń ádísnamasyn bírízdendíru bólígínde óz qyzmetín úılestíru múmkíndígíníń bíregeı úlgísí bolyp tabylady.
Faza-1 geologıyalyq míndetteríníń negízgí maqsaty Kaspıı mańy oıpatynyń tereń jatqan obektílerí boıynsha perspektıvaly uchaskelerdí bólu jáne barlaudyń qazírgí zamanǵy tehnologıyalaryn qoldana otyryp, odan árí geologıyalyq barlau jūmystarynyń baǵdarlamalaryn ázírleu bolyp tabylady.
Keńes qorytyndysy boıynsha «Eurazıya» jobasynyń jol kartasy ayasynda naqty tapsyrmalar beríldí.