Eýropada da qatty ystyq bolady dep boljanýda.
BUU Dúnıejúzilik meteorologıalyq uıymynyń málimeti boıynsha, byltyr aptap ystyqtan Ispanıa, Germanıa, Ulybrıtanıa, Fransıa jáne Portýgalıada 15 myńǵa jýyq turǵyn qaıtys bolǵan, dep habarlaıdy Almaty-akshamy.kz.
24.kz taratqan aqparat boıynsha, kári qurlyqta aptap ystyqtyń beti qaıtpaı turǵanyna ekinshi jyl . Eýropadaǵy ortasha temperatýra basqa kontınentterge qaraǵanda 2 ese tez ósip jatyr. Kúnniń kúrt ysýynan adamdar da qatty zardap shekti.
Egin alqabyn sýarýdyń tıimsiz tásili Qurǵaqshylyq Fransıa fermerlerin tyǵyryqqa tiredi. Aýa raıynyń qolaısyzdyǵy saldarynan olar jerasty sýlaryn paıdalanýǵa kóshken. Arnaıy haýyzdar jasap, sý aıdaıtyn qoımalardyń kómegimen egin alqaptaryn saqtaýǵa májbúr. Alaıda ekologtar bul ádiske qarsy. Sebebi jer asty sýlary sarqylyp, saldarynan eldegi ózen-kólder keýip ketýi múmkin.
Al latvıalyq fermerler bolsa, bılikten uzaqqa sozylǵan qurǵaqshylyqqa baılanysty tótenshe jaǵdaı jarıalaýdy surap otyr. Olardyń boljaýynsha, bıyl astyq ónimi 50%-ke az shyǵady. Aýyl sharýashylyǵyndaǵy shyǵyndar qazirdiń ózinde 100 mıllıon eýroǵa jetken.
Al Qytaı bıligi shól men shóleıttenýge qarsy kúreste jetistikke qol jetkizdi. Eldegi qumdy alqaptarǵa aǵashtar egilip jatyr. Ósimdikter topyraqty erozıadan, al jergilikti ekojúıeni joıylyp ketýden qorǵaıdy.
Osyndaı aımaqtyń biri – Qytaıdyń İshki Mońǵolıa avtonomıalyq aýdany. Bir kezderi qurǵaq jáne shóldi sanalǵan aımaq keıingi 3 jylda adam tanymastaı ózgergen. Tipti eldegi eń iri tushshy sý kóli – Ýlánsý qaıta tolyp keledi.
I