Almaty qalasy, Almaty jáne Jetisý oblystary boıynsha qylmystyq-atqarý júıesi departamentine qarasty №11 mekemede Djı-djıtsýdan 6 dúrkin álem chempıony, 3 dúrkin Azıa chempıony, Dúnıejúzilik oıyndardyń chempıony, QR-nyń eńbek sińirgen jattyqtyrýshysy Erlan Tileýimbetov balalar kolonıasynda jazasyn ótep jatqan jasóspirimdermen kezdesti, dep habarlaıdy Almaty-akshamy.kz
Erlan Qanatuly sporttyq jolyn 1996 jyly óziniń alǵashqy jáne turaqty jattyqtyrýshysy Qanat Tileýimbetovtiń basshylyǵymen bastaǵanyn, sondaı-aq qazirgi kúnge deıin jetken jetistikteri, baǵyndyrǵan belesteri týraly áńgimeledi.
Ol ómir jolyn baıandaı otyryp, jasóspirimderdi jaman ádetterden alys bolýǵa, salaýatty ómir saltyn ustanýǵa shaqyryp, qoǵamǵa paıdasy tıer jaqsy azamattar bolyp shyǵýlaryna tilektestigin bildirdi.
Iá, mundaı kezdesýler jazaly jasóspirimder úshin aýadaı qajet. Ekijaqty dıalog, pikir almasý keshi QR Premer-Mınıstriniń ókimimen bekitilgen "Qylmystyq-atqarý (penıtensıarlyq) júıesi mekemelerindegi saýyqtyrýdyń 2023-2025 jyldarǵa arnalǵan Jol kartasyn" iske asyrý aıasynda uıymdastyryldy.
İs shara sońynda SAÁPTJB bóliminiń bastyǵy ádilet podpolkovnıgi Alma Bázilbaeva meımanǵa alǵysyn bildirdi.