Nú-Delı qalasynda bokstan áıelder arasynda álem chempıonaty ótip jatyr.
Úndistannyń Nú-Delı qalasynda bokstan áıelder arasynda ótip jatqan álem chempıonatynda búgin bes qazaqstandyq sportshy baq synaıdy, dep habarlaıdy Almaty-akshamy.kz.
Astana ýaqytymen saǵat 14.30-da bastalatyn kúndizgi sesıada úsh qazaqstandyq boksshy óner kórsetedi.
Alýa Balqybekova 48 kelige deıingi salmaqta reseılik Iýlıa Chýmgalakovamen sheberlik baıqasady.
Karına Ibragımova (57 kg) ázirbaıjandyq Mahsatı Hamzaevamen, Aıda Ábikeeva (63 kg) qytaılyq Chengú Ianmen synǵa túsedi.
Saǵat 18.30-da bastalatyn keshki sesıada Rımma Volosenko (60 kg) serbıalyq Natalá Sadrınamen, Nadejda Rábes domınıkandyq Marıa Moronta Ernandespen rıngke shyǵady.
Álem birinshiligi «Qazsport» telearnasynan tikeleı efırde kórsetiledi.