Shara aldaǵy 90 kúnde ótedi
«Álem arýy – 2021» sulýlyq baıqaýynyń fınaly qatysýshylar arasynda COVID-19 taraǵany belgili bolǵannan keıin sońǵy sátte keıinge shegerildi. Bul týraly baıqaýdyń Facebook jelisindegi resmı paraqshasynda jazyldy, dep habarlaıdy Almaty-akshamy.kz ulysmedia.kz-ke silteme jasap.
17 jeltoqsan kúni Pýerto-Rıkonyń San-Hýan qalasynda 70-shi halyqaralyq sulýlyq baıqaýynyń fınaly ótýi kerek edi. Qazylar alqasy álemniń 97 elinen kelgen qatysýshylar arasynan jeńimpazdy anyqtaýy qajet bolatyn. Keıinge qaldyrý týraly sheshim qatysýshylar men uıymdastyrýshylardy jańa koronavırýs ınfeksıasynyń bar-joǵyn teksergennen keıin qabyldandy.
«Búgin tańerteń ınfeksıanyń qosymsha jaǵdaılary rastaldy. Densaýlyq saqtaý qyzmetkerleri men sarapshylarmen keńeskennen keıin keıinge qaldyrý týraly sheshim qabyldandy», - delingen habarlamada.
Jańa derekterge sáıkes, shara aldaǵy 90 kúnde ótedi.
Eske sala ketsek, 23 jastaǵy aqtóbelik Nazerke Qarmanova «Álem arýy» baıqaýynda Qazaqstan atynan qatysý quqyǵyna ıe boldy. Ol Aqtóbe qalasyndaǵy Qazaq-Orys halyqaralyq ýnıversıtetin esepshi mamandyǵy boıynsha támamdaǵan. Qazir ol Almatyǵa kóship, bankterdiń birinde klıentterge qyzmet kórsetý bóliminiń menedjeri bolyp jumys isteıdi. Ol sadaq atýmen aınalysa bastady. Sonymen qatar, beınerolık pen fotosýretter túsirgendi unatady.