Áleýmettik jelide narazylyq aksıasynyń vıdeosy tarady.
Almatyda balańdy shetelge oqýǵa túsiremin degen ortalyqqa aldanǵan ata-analar ereýilge shyqty, dep habarlaıdy Almaty-akshamy.kz
Almatyda qalasynda ornalasqan, shetelge oqýǵa túsirýmen aınalysatyn “Zeyn qoi” ortalyǵynyń aldyna bir top ata-ana jınaldy.
“Bir jyl buryn ulym Zeyn qoi jarnamasyn kórip, shetelge túsýge daıyndalý úshin osy mektepke oqýǵa tústik. Bankten nesıe alyp, barlyq somany eki jylda tóledik, sharttary osyndaı boldy. Biraz ýaqyttan keıin uıymnyń Foundation sertıfıkaty joq ekenin bildik, al onda sabaq beretin ustazdar ýnıversıtetti endi ǵana bitirgen qarapaıym stýdentter, ıaǵnı ustazdyq tájirıbesi joq ekeni belgili boldy. Sonymen qatar bir jyl boıy muǵalimder men kýratorlar eki-úsh aı saıyn aýysyp otyrdy. Bizge, ata-analarǵa balalardyń oqýy týraly eshqandaı málimet berilmedi”, -deıdi narazy ata-analardyń biri óz jazbasynda.
Ata analar osydan 6 aı buryn ortalyqtyń basshysy barlyq máselelerdi sheshýge ýáde bergenin aıtady.