Kúntizbede kóktem bolǵanymen, qys aıaqtala qoımaıdy.
«Qazgıdromet» 29 aqpan-2 naýryzǵa arnalǵan aýa raıy boljamyn jarıalady, dep habarlaıdy Almaty-akshamy.kz
Sınoptıkterdiń habarlaýynsha, kúntizbe boıynsha kóktem mezgili kelgenimen kún jylynbaıdy.
«Kúntizbe boıynsha kóktem mezgili kelgenimen qys aıaqtala qoımaıdy. Qazaqstannyń basym bóligi aýqymdy antısıklonnyń yqpalynda bolyp, jaýyn-shashynsyz aýa raıy saqtalatynyna qaramastan, elimizdiń ońtústigi men soltústigine eki sıklon áser etip, jaýyn jaýyp, jel kúsheıedi. Temperatýralyq fon da teris mánderin saqtaıdy, ıaǵnı aýa raıy salqyn bolady. Tek Qazaqstannyń batysynda kúndiz termometrlerdiń baǵandary 10 gradýsqa deıin joǵarylap, jylynady», delingen habarlamada.