Jyl sońyna deıin 4 telearna arqyly 11 tarıhı serıal kóremenge jol tartady
Bul týraly QR Aqparat jáne qoǵamdyq damý mınıstri Aıda Baleva Kazmedia ortalyǵynda ótken tarıhı serıaldardyń tanystyrylymynda aıtty, dep habarlaıdy Almaty-akshamy.kz QazAqparatqa silteme jasap.
«Túsirilip jatqan serıaldarǵa taǵdyry arqaý bolǵan tulǵalardyń báriniń de armany - eldi táýelsizdikke jetkizý edi. Osy jolda bastaryn báıgege tikti. Sondyqtan ult maqtanyshtarynyń ónegeli ómir jolyn kórsetý arqyly biz jas urpaqtyń rýhyn kóterip, táýelsizdigimizdiń qunyn uǵyndyra alamyz», - dedi vedomstvo basshysy.
Sondaı-aq, ol memlekettik telearnalar usynatyn kontenttiń 30 paıyzy tarıh taqyrybyna arnalyp otyrǵanyn málim etti.
«Búginde tarıhı jobalar memlekettik telearnalar usynatyn ónimniń 30 paıyzyn quraıdy. Jyl sońyna deıin tarıhı baǵyttaǵy 11 serıal kórermen nazaryna usynylady. Atap aıtsaq, «Domalaq ana», «Jáńgir han. Saraı syry», «Domalaq ana», «Qanysh. Qazyna», «Táshenev. Taıtalas», «Ahmet. Ult ustazy» hıkaıalary, «Habar» arnasynda «Bulbul ánshi Roza Baǵlanova», «Jambyl Jabaev», «Turar Rysqulov» serıaldary kórsetiledi. Bulardyń bári kórermen kóńilinen shyǵyp, joǵary baǵa alady dep senemin. Bul týyndylardyń tanystyrylymyn jyldaǵydaı jabyq formatta da ótkizýge bolatyn edi. Dese de, tarıhı serıaldardyń mańyzyn eskere otyryp, arnaıy shara uıymdastyrdyq», - dep túıindedi Aıda Balaeva.