Mınıstr Artsport baǵdarlamasynyń qalaı jumys isteıtinin aıtty
Qazaqstandyq balalar Artsport baǵdarlamasy aıasynda sportpen jáne shyǵarmashylyqpen tegin aınalysyp jatyr. Aldaǵy ýaqytta kórsetilip jatqan qyzmetterdiń sapasyn arttyryp, balalarǵa qolaıly jaǵdaı jasaý maqsatynda kásipkerlerge qoıylatyn talaptarǵa ózgerister engiziledi. Bul týraly Mádenıet jáne sport mınıstri Dáýren Abaev aıtty, dep habarlaıdy Almaty-akshamy.kz Elorda.info saıtyna silteme jasap.
Qazirgi ýaqytta baǵdarlama platformasyn Ulttyq bilim berý derekter bazasymen ıntegrasıalaý jumystary júrgizilip jatyr.
«Keıbir balalar úıirmeler men sporttyq seksıalarǵa barmasa da, qyzmet kórsetýshilerdiń qujattarynda tirkelip turady, olar óz kezeginde ár bala úshin memleketten aqsha alyp otyr. Ári sapa máselesi de nazardan tys qalmaýy kerek. Balalar jattyǵatyn oryndarǵa qoıylatyn talaptardy kúsheıtip jatyrmyz. Ol – ǵımarattyń sanıtarlyq jaǵdaıy, órt qaýipsizdigi, beınebaqylaý kameralary, sporttyq jáne basqa da qajetti jabdyqtardyń bolýy. Munyń barlyǵy balalardyń sapaly bilim alýy úshin, qaýipsizdigi úshin jasalady. Sport túrine baılanysty jattyǵýdy qaı jastan bastap jasaýǵa bolatyny da naqtylanady», - dedi Dáýren Abaev.