Sýyq antısıklon Qazaqstan aýmaǵynyń basym bóligine óz áserin tıgizedi.
«Qazgıdromet» mamandary 29 qyrkúıek-1 qazan kúnderi aralyǵynda aýa raıy qandaı bolatynyn boljady, dep habarlaıdy Almaty-akshamy.kz.
Sınoptıkterdiń boljamy boıynsha, jańa jer aýdandarynan jyljyǵan sýyq antısıklon Qazaqstan aýmaǵynyń basym bóligine óz áserin tıgizedi, osyǵan baılanysty túnde aýa temperatýrasy tómendeıdi jáne eldiń soltústik aýdandarynda jaýyn-shashyn toqtaıdy.
«Soltústik-batystan jyljyǵan sıklonmen tek respýblıkanyń batysynda aýa temperatýrasynyń birtindep joǵarlaýna ákeledi. Jalpy respýblıka boıynsha: soltústik jartysynda – tuman, jeldiń kúsheıýi, eldiń ońtústik-batysy men ońtústiginde shańdy daýyl bolady dep kútilip otyr»,- delingen «Qazgıdromet» mamandarynyń habarlamasynda.
Qazaqstannyń soltústiginde, shyǵysynda jáne ortalyǵynda túngi aýa temperatýrasy 3-10 gradýs aıazǵa deıin, kúndiz 0-5 gradýs jylyǵa deıin tómendeıdi, ońtústikte kúndiz 13-23 gradýs jyly, ońtústik-shyǵysta 5-13 gradýs jyly, tek respýblıkanyń batysynda kúndiz termometr baǵandary 17-30 gradýsqa deıin jylyny kórsetedi.