Mamandar aldaǵy kúnderi aýa raıy qandaı bolatynyn boljady.
«Qazgıdromet» mamandary 28, 29 jáne 30 maýsymǵa arnalǵan aýa raıy boljamyn usyndy, dep habarlaıdy Almaty-akshamy.kz.
Cınoptıkterdiń boljamy boıynsha, Qazaqstannyń soltústik, batys jáne shyǵys óńirlerine aýysatyn soltústik-batys sıklon áserinen naızaǵaı men jańbyr bolady.
«29 maýsymda soltústik óńirlerde, 30 maýsymda shyǵysta qatty jańbyr, sondaı-aq burshaq, jeldiń kúsheıýi jáne aýa temperatýrasy tómendeıdi dep kútiledi. Tek elimizdiń batys oblystarynda skandınavıalyq antısıklon jotasy áserinen jańbyr toqtaıdy», - delingen habarlamada.