«Qazgıdromet» RMK aldaǵy úsh kúnge arnalǵan aýa raıy boljamyn jarıalady, - dep habarlaıdy Aqshamnews.kz.
Ońtústik sıklon jáne onymen baılanysty atmosferalyq frontaldi bólikter Respýblıka aýmaǵynyń basym bóligine áserin saqtaıdy – naızaǵaı oınap, jańbyr jaýady, respýblıkanyń soltústik-shyǵysynda, ortalyǵynda, ońtústik-shyǵysynda nóser jańbyr, kúshti jel turady, burshaq jaýady.
Tek batysta jáne soltústik-batysta jaýyn-shashynsyz aýa raıy boljanady. Respýblıka boıynsha jeldiń kúsheıýi boljanady, soltústik-batysta, soltústikte, shyǵysta túngi jáne tańǵy saǵattarda tuman túsedi.
«Aýa temperatýrasy: batysta túngi temperatýra 5-13°-tan 10-18° jylyǵa deıin kóteriledi, kúndiz 22-28°-tan 18-23° jylyǵa deıin tómendeıdi.
Soltústik-batysta túnde 1-10° jyly, aımaqtyń batysy men soltústiginde 2° úsik kútiledi, kúndiz 18-25° jyly. Soltústikte túnde 2-10° jyly, batys pen soltústik aımaqtarda 2° úsik, kúndiz 14-20°-dan 17-23° jylyǵa deıin kóteriledi.
Ortalyqta túnde 5-11° jylydan 0-8° jylyǵa deıin tómendeıdi, batys pen soltústik aımaqtarda 2° úsik, kúndiz 10-18°-dan 15-25° jylyǵa deıin kóteriledi. Shyǵysta túnde 2-13° jyly, kúndiz 15-23°-tan 10-18° jylyǵa deıin tómendeıdi. Ońtústikte túnde 7-15° jyly, kúndiz 20-28° jyly, ońtústik-shyǵysta túnde 8-14° jyly, kúndiz 15-25° jyly», – delingen sınoptıkter boljamynda.