25-30 gradýsqa deıin aıaz bolady.
Qazaqstandyq sınoptıkter 15-17 aqpan kúnderi aýa raıy qandaı bolatynyn boljady, dep habarlaıdy Almaty-akshamy.kz.
Boljam boıynsha, Qara teńiz aımaqtarynan keletin aýqymdy sıklon taralady. Al soltústik oblystarda bulttylyq jaǵdaıynda túnde qarqyndy salqyndyq baıqalady, bul qalyń qar jaýǵannan keıin túngi temperatýranyń tómendeýine ákeledi. Munda aqpannyń 15-inen 16-syna qaraǵan túni termometrler 18-23, keı óńirlerde 27 gradýs aıazǵa deıin tómendeıdi.
«Elimizdiń shyǵysynda jáne ońtústik-shyǵysynda antısıklonnyń aýysýyna baılanysty 17 aqpanda jaýyn-shashyn toqtap, aýa temperatýrasynyń tómendeýi kútiledi, bul kúnderi respýblıkanyń shyǵysynda túnde aýa temperatýrasy 25-30 gradýsqa deıin aıaz bolady, ońtústik-shyǵysta 20-25 gradýs aıaz», - dep habarlady sınoptıkter.