Qazaqstannyń keı óńirlerinde qatty jańbyr jaýyp, daýyl jáne ekpindi jel júredi.
Sınoptıkterdiń boljamy boıynsha, shildeniń 13-15 aralyǵynda jańbyr jaýyp, kún salqyndaıdy, dep habarlaıdy Almaty-akshamy.kz.
«Respýblıkanyń basym bóliginiń aýa-raıyna sıklon jáne onymen baılanysty frontaldy bólimder áser etetin bolady. Aýa-raıynyń turaqsyz sıpaty kútiletin jerde. Osyǵan baılanysty soltústik-batysta, soltústikte, ortalyqta jáne shyǵysta qatty jańbyr jaýyp, naızaǵaı, burshaq, daýyl jáne ekpindi jel júredi»,– delingen «Qazgıdromet» RMK baspasóz qyzmetiniń habarlamasynda.
Batysta aýa temperatýrasy túnde +12+22℃, kúndiz +25+35℃, respýblıkanyń soltústiginde, soltústik-batysynda aýa temperatýrasy túnde +7+20℃, kúndiz termometrler +12+28℃, eldiń ortalyǵynda jáne shyǵysynda aýa temperatýrasy túnde +8+20℃, kúndiz +15+28℃, Qazaqstannyń ońtústik jáne ońtústik-shyǵysynda túngi temperatýra +12+23°S, kúndiz +25+32°S bolady.