Qarýly Kúshter bas dárigeriniń aqparaty boıynsha, COVID-19-ben naýqastaný ishinara sıpatta ótýde.
Qazaqstannyń Qarýly Kúshterinde ekpe alǵandardyń sany 100% jetip qaldy, dep habarlaıdy Almaty-akshamy.kz.
«Aparattyq keńeste Bas áskerı-medısınalyq basqarma bastyǵy jeke quramnyń shamamen 90%-i ekpeniń eki komponentin, al barlyǵy áskerı qyzmetshiler men azamattyq personaldyń 98%-ten astamy vaksına alǵany týraly baıandady», – delingen Qorǵanys mınıstrligi baspasóz qyzmetiniń habarlamasynda.
Ujymdyq ımýnıtetti qalyptastyrý jaýyngerlik oqý-jattyǵý is-sharalaryn júrgizýde kóptegen shekteýdi alýǵa múmkindik beredi. Qarýly Kúshter bas dárigeriniń aqparaty boıynsha, COVID-19-ben naýqastaný ishinara sıpatta ótýde, aýrýdyń aýyr túrde ótý jaǵdaılary bolǵan joq. Taıaý ýaqytta qalǵan jeke quramda medısınalyq qarsy kórsetilimder merzimi ótkennen keıin vaksına alǵandar sanyn 100%-ke deıin jetkizý boljanýda.