Ashyq NQA portalynda jarıalanǵan Úkimet qaýlysynyń jobasyna sáıkes, 2023 jyly Qazaqstanda 37 056 adamdy áskerge shaqyrý josparlanyp otyr, dep habarlaıdy Almaty-akshamy.kz.
Áskerge 18 jastan 27 jasqa deıingi er azamattar shaqyrylady. 2022 jyly kóktemgi naýqanda 17 myńǵa jýyq azamat áskerge shaqyrylsa, kúzde olardyń sany 18 myńdy qurady.
Eske salaıyq, taıaýda general-maıor, "QR Qarýly kúshteri ardagerleri" qoǵamdyq birlestigi tóraǵasynyń orynbasary Marat Naǵumanov áskerı qyzmetke shaqyrý jasyn 27-den 30 jasqa deıin kóterýdi usynǵan bolatyn.
"Qazir elimizde jastardyń jasy 29-dan 35-ke deıin kóterilýde. Bul – halyqaralyq úrdis. Tıisinshe, merzimdi áskerı qyzmetke shaqyrý jasyn 27-den 30 jasqa deıin kóterý qajet", – dep túsindirdi bul oıyn general-maıor.