Almatyda 2024 jyly dızeldi avtobýstar satyp alýǵa tyıym salynady jáne 100 jańa troleıbýs satyp alynady
Almatyda damý baǵdarlamasyn iske asyrý aıasynda qoǵamdyq kólikti basym damyta otyryp, qalanyń turaqty kólik qurylymy qalyptasýda. Aǵymdaǵy jyly qalanyń avtobýs parki 1 150 ekologıalyq taza avtobýsqa jańartyldy (onyń ishinde jeke tasymaldaýshylardyń alǵany – 550). 2024 jyldan bastap jeke tasymaldaýshylardyń dızeldik avtobýstardy satyp alýyna tyıym salýdy engizý josparlanýda. Bul týraly Almaty ákimi Erbolat Dosaev Astanada ótken OKQ brıfıńinde sóılegen sózinde aıtty.
"Sońǵy 11 jylda alǵash ret Almatyda 100 troleıbýs satyp alyndy, 2024 jyly taǵy 100 birlik satyp alý josparlanýda, bul troleıbýs parkin 100% jańartýǵa múmkindik beredi. Almatyda metro qarqyndy damyp keledi. Aǵymdaǵy jyly 3 qosymsha jyljymaly sostav iske qosyldy. Qozǵalys aralyǵy 5 mınýt 38 sekýndqa deıin tómendedi. Nátıjesinde metronyń jolaýshylar aǵyny 100 myń adamǵa deıin ulǵaıtyldy. Jalpy, 2023 jyldyń qorytyndysy boıynsha qoǵamdyq kólikte jolaýshylar aǵyny táýligine 1,5 mln.adamǵa deıin, 2022 jyly 1,2 mln. adamǵa deıin ulǵaıdy", - dep atap ótti Almaty ákimi.