Almaty qalasynyń búdjeti aıtarlyqtaı ósimdi kórsetti.
Osy jyldyń 11 aıynda memlekettik búdjetke túsimder 4,9 trln. qurady. Al ósim 34,5%, onyń ishinde respýblıkalyq búdjetke túskeni 35,4% - ǵa jáne jergilikti búdjetke túskeni 32% - ǵa kóterilgen. Bul týraly Almaty ákimi Erbolat Dosaev OKQ brıfıńinde málimdedi, dep habarlaıdy almaty-akshamy.kz.
«8 jeltoqsanda Máslıhat Almaty qalasynyń 2024-2026 jyldarǵa arnalǵan búdjetin bekitti, ol Memleket basshysynyń qalany orta merzimdi damytýdyń negizgi baǵyttary boıynsha tapsyrmalaryn iske asyrýǵa baǵyttalǵan. Almatynyń 2024 jylǵa arnalǵan búdjeti 1 trln 624 mlrd. teńgeni quraıdy, bul 2022 jyldyń basymen salystyrǵanda 51,8% - ǵa nemese 553,4 mlrd.teńgege artyq», - dep atap ótti ol.
Bul rette, shaǵyn bıznesti qarjylandyrý 26% - ǵa, ıaǵnı 726 mlrd. teńgege deıin ulǵaıta otyryp, áleýmettik baǵdarlaný saqtalady. Bul búdjet shyǵystarynyń shamamen 45% - yn quraıdy.