Onyń tehnıkalyq baǵyttaǵy 2 oqý orny eldiń batys óńirine tıesili
Memleket basshysy Qasym-Jomart Toqaev Qazaqstan óńirlerine úzdik pedagogter tartýdy jáne jastardy jumyspen qamtýdy kózdeıtin granttar bólýdi tapsyrǵan edi. Buǵan oraldyq ǵalymdar qýanyp otyr, dep habarlaıdy Almaty-akshamy.kz
«Sebebi Qazaqstanda gýmanıtarlyq baǵyttaǵy mamandardyń kóptigi seziledi», – deıdi olar.
«Múmkin qajet te bolar, biraq kóp jyldan beri bizde gýmanıtarıa basymdaý bolyp ketti. Prezıdent aıtty ǵoı, bizde atomdyq ónerkásipti, sýtegi óndirisin ıgerý kerek. Elektr qýaty, balamaly energetıka bar, biraq elektrık mamandary jetispeıdi», - deıdi Inovasıalyq jáne telekomýnıkasıalyq júıeler ýnıversıtetiniń quryltaıshysy Aqserik Áıtimov.
Oraldaǵy agrotehnıkalyq ýnıversıtet sheteldik oqý bilim ordasy fılıalyna baza berýge daıyn. Bul suranysqa ıe kadrlardy daıarlaýǵa múmkindik beredi dep esepteıdi ýnıversıtet rektory.
«Sondyqtan sheteldiń ýnıversıtetterin bizge tartyp, eń jaqsylaryn, sonyń ishinde batys óńirine degen ekeýin, jańa tehnologıasymen birge osy ýnıversıtetterge shoǵyrlandyryp, týra sol bilimdi sol jerde bere alatyndaı bolsa eken. Sebebi stýdentterdi shetelge jibergenshe, olardyń mamandaryn osynda shaqyrǵan jeńil», - deıdi Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń rektory Asqar Nametov.
Bilim sapasyn kóterý, jastar arasynda jumyssyzdyqty joıý, olardyń iskerlik baǵyttaǵy usynystaryn qoldaý Úkimet aldyndaǵy basym mindetter bolmaq.