Keler jyldyń 1 qańtarynan zeınetaqynyń eń tómengi mólsheri 48 032 teńgeden 53 076 teńgege deıin kóterilýi múmkin.
Bul týraly «Ashyq» NQA saıtynda talqylaýǵa shyǵarylǵan Qarjy mınıstrliginiń «2023-2025 jyldarǵa arnalǵan respýblıkalyq búdjet» jobasynda kórsetilgen, dep habarlaıdy Almaty-akshamy.kz QazAqparatqa silteme jasap.
«2023 jylǵy 1 qańtardan bastap, jalaqynyń eń tómen mólsheri 60 000, memlekettik bazalyq zeınetaqy tóleminiń eń tómen mólsheri 21 907, al zeınetaqynyń eń tómen mólsheri 53 076 teńge bolyp bekitilsin. Sonymen qatar jasyna baılanysty jáne eńbek sińirgen jyldary úshin zeınetaqy tólemderine jumsalatyn qarajat 2023 jylǵy 1 qańtardan bastap 10,5 paıyzǵa kóterile otyryp belgilensin», - dep jazylǵan qujatta.
Budan bólek, kelesi jyldyń qańtarynan AEK mólsheri ósedi. Bıyl ol 3 180 bolsa, 2023 jyly 3 450 teńge bolmaq. Búdjet josparyna sáıkes, eń tómengi kúnkóris deńgeıi 40 567 teńge bolyp bekitilmek.