QR Oqý-aǵartý mınıstri Asqat Aımaǵambetov Almaty ákimdigine alǵys bildirdi.
Bul týraly QR Oqý-aǵartý mınıstri Asqat Aımaǵambetov «Bilim megapolısi: bolashaqtyń mektebi qandaı bolýy kerek?» atty tamyz konferensıasynda aıtty dep habarlaıdy Almaty.tv.
Búgin Almatyda «Bilim megapolısi: bolashaqtyń mektebi qandaı bolýy kerek?» atty tamyz konferensıasy óz jumysyn bastady.
«Almatyda bastalǵan pılottyq jobalardy basqa óńirlerge taratý jumystaryn júrgizemiz. Biz úshin qyzyq pılottyq joba - mektepterdiń avtobýstary boıynsha. Úlken qalalarǵa, Elordamyzǵa da, halyq kóp shoǵyrlanǵan eldi mekenderge óte mańyzdy jaqsy joba bolady dep sanaımyn. Ekinshiden, mekteptegi balalardyń tamaqtanýy olardyń densaýlyǵyna, úlgerimine de úlken septigin tıgizedi. Almaty qalasynda balalardyń mektepte tamaqtaýy boıynsha jańa pılottyq joba bastalyp jatyr. Osy pılottyń nátıjesin kóremiz. Memleket basshysy Balalar jylyna baılanysty ákimderge birneshe tapsyrma berdi. Almaty qalasynda óte mańyzdy sheshim qabyldandy. Ol – 1-4 synyp oqýshylaryn tolyǵymen ystyq tamaqpen qamtý. Oqý mınıstrligi atynan Erbolat Asqarbekulyna alǵysymdy bildirgim keledi», – dedi mınıstr.