Májilis spıkeri Erlan Qoshanovtyń tóraǵalyǵymen Búro otyrysy ótip, aldaǵy jalpy otyrystyń kún tártibi naqtylandy, dep habarlaıdy aqshamnews.kz
Májilis birinshi oqylymda «Poshta týraly» zańǵa engiziletin ózgerister men tolyqtyrýlardy qaraıdy. Túzetýler poshta baılanysy naryǵyn damytýǵa, poshta jóneltilimderin jetkizý mehanızmderin jeńildetýge jáne jetildirýge, poshtomattardy ornalastyrý tártibin naqtylaý men poshta salasyndaǵy ýákiletti organnyń qyzmetin jetildirýge baǵyttalǵan. Sonymen qatar depýtattar «Mádenıet týraly» zańǵa ózgerister engizý jónindegi taǵy bir zań jobasyn talqylaıdy.
Qujatqa jastardyń ǵylymı jáne bilim berý áleýetin yntalandyrýǵa baǵyttalǵan normalar, jetim balalar men ata-anasynyń qamqorlyǵynsyz qalǵan balalarǵa tálimgerlik ınstıtýtyn retteý máseleleri engizilgen. Kún tártibiniń jobasynda dıplomatıalyq qyzmet máseleleri jónindegi zań jobalary, sondaı-aq EAEO men oǵan múshe memleketter arasyndaǵy Iranmen jáne Sıngapýrmen erkin saýda týraly kelisimderdi ratıfıkasıalaý týraly zań jobalary bar. Ekinshi oqylymda Ákimshilik quqyq buzýshylyq týraly kodekske ózgerister men tolyqtyrýlardy, sondaı-aq keıbir zańnamalyq aktilerdi Konstıtýsıa normalaryna sáıkestendirý máseleleri boıynsha túzetýlerdi talqylaý usynylady.