Uıaly telefon nómirlerin satyp alý tásili ózgeredi, dep habarlaıdy aqshamnews.kz
Olardy tek baılanys operatorlarynyń keńselerinde jáne bıometrıalyq tekserýden keıin ǵana satyp alýǵa bolady. Alaıda endi uıaly baılanys nómirlerin eGov portaly arqyly da satyp alýǵa múmkindik beriletini belgili boldy. Tıisti túzetýlerdi Sıfrlyq damý mınıstrligi ázirledi.
Mınıstrlik janyndaǵy Telekomýnıkasıalar komıteti tóraǵasynyń orynbasary Oljas Kabenovtyń aıtýynsha, qazir baılanys operatorlary mınıstrlikke ótinish beredi, olarǵa nómirler jıyntyǵy (pýl) beriledi, keıin bul nómirlerdi qazaqstandyqtar satyp ala alady.
Mınıstrlik telekomýnıkasıa naryǵy men derekterdi óńdeý ortalyqtaryn damytý máseleleri jónindegi zań jobasyna ózgerister engizýdi usyndy.
"Biz bul zań jobasynda nómirlerdi tek operatorlar jelisi arqyly ǵana emes, sondaı-aq eGov arqyly da taratý múmkindigin qarastyryp jatyrmyz", – dedi Oljas Kabenov qujatty jarıa talqylaý kezinde.
Osylaısha, qazaqstandyqtar aldaǵy ýaqytta ózderine unaǵan uıaly baılanys nómirin úıden shyqpaı-aq onlaın túrde tańdap, rásimdeı alýy múmkin. Alaıda bul týraly naqty aıtýǵa áli erte: bul - tek zań jobasy, ol ázirge talqylaý kezeńinde. Bul norma qabyldana ma, qashan kúshine enedi - ázirge belgisiz.