Qazaqstanda aldaǵy 5 jylda elektr energıasynyń tapshylyǵy saǵatyna 13 mıllıard kılovattan asýy múmkin degen boljam bar.
Sarapshylardyń pikirinshe, bul máseleni sheshý úshin atom elektr stansıasyn salý qajet. Alaıda, aldymen álemdik tájirıbeni muqıat zertteý mańyzdy. Mysaly, Ispanıadaǵy atom energetıkasynyń tolyq jumys isteýi men qaýipsizdigin qamtamasyz etý úshin mıllıondaǵan eýro ınvestısıa salynǵan.
Equipos Nucleares kompanıasynyń ıadrolyq ınjeneri Hesýs Saız de Omenáka Tıhero bul týraly bylaı dedi:
– Ispanıada atom energetıkasy sońǵy 10 jylda eldiń negizgi energetıkalyq júıesiniń ajyramas bóligine aınaldy. Bizdiń elde 47 mıllıon adam turady, al atom energetıkasy elektr energıasyn óndirýdiń shamamen 20%-yn quraıdy. Bul energıa 5 atom stansıasynda ornalasqan 7 ıadrolyq reaktor arqyly óndiriledi. Sonymen qatar, atom energetıkasy Ispanıadaǵy kómirteksiz elektr energıasyn óndirýge aıtarlyqtaı úles qosyp otyr.