Elimizdiń barlyq óńirlerinde mereıtoılyq marapattaý sharalary júrip jatyr
Táýelsizdiktiń altyn besigi bolyp sanalatyn Almaty shaharynda elimizdiń egemendik alǵanynyń 30 jyldyǵyn merekeleý aıasynda qala turǵyndaryn mereıtoılyq medaldarmen marapattaý saltanatty sharasy ótti, dep habarlaıdy Almaty-akshamy.kz .
Mereıtoılyq shara Respýblıka saraıynda ótti. Qazaqstandaǵy eń úlken konserttik zaldardyń birinde qoǵam qaıratkerleri, zıaly qaýym ókilderi, densaýlyq saqtaý salasynyń mamandary men buqaralyq aqparat quraldary bas qosty.
Qurmetti qonaqtar qatarynda Alatay Aqparat medıaholdıng quramyna kiretin «Almaty aqshamy» jáne «Vechernıı Almaty» gazetteri men Vecher.kz saıtynyń qyzmetkerleri «Qazaqstan Táýelsizdigine 30 jyl» medaldarymen marapattaldy.
Almaty ákiminiń orynbasary Erjan Babaqumarov jınalǵan qaýymdy elimizdiń basty merekesimen quttyqtap, Almatynyń Táýelsizdiktiń qalyptasýy men nyǵaıýyna qosqan erekshe úlesin jáne saltanatty sharaǵa kelgen tulǵalardyń eren eńbegin atap ótti.
Memlekettik marapatqa ıe bolǵandar:
«Alatay Aqparat» medıaholdınginiń bas dırektory Tólemis Qulmuhamedov
«Vechernıı Almaty» gazetiniń bas redaktory Evgenıı Grúnberg
«Vechernıı Almaty» gazetiniń jaýapty hatshysy Ábdijamal Saparqulov
«Almaty aqshamy» gazeti bas redaktorynyń orynbasary Áýelbek Ánýarbek
«Almaty aqshamy» gazetiniń jaýapty hatshysy Orazagúl Qaraeva
Vecher.kz saıtynyń basqarýshy redaktory Vladımır Demıdov
Joba redaktory Gúljazıra Saıdahmedova
Alatay Aqparat medıaholdınginiń ujymy áriptesterin marapattarymen quttyqtap, shyǵarmashylyq tabys tileıdi.