Ǵasyrlardan beri tarıhymyz san ózgersede qasıetti dombyramyz qazaqtyń eldigi men erligin, muń - muqtajyn urpaqtan urpaqqa jalǵap keledi.
Búgin mine Alataýdyń tórinde taǵyda kúımen kúmbirlep, ánmen áýelegen keremet kesh ótti.
Qurmanǵazy orkestriniń konsert zalynda Almaty oblysy ákimdiginiń qoldaýymen Súıinbaı atyndaǵy Almaty oblystyq fılarmonıasyna qarasty «Aq jaýyn» kameralyq orkestiriniń Bas konsertmeısteri, Qurmanǵazy atyndaǵy Qazaq ulttyq konservatorıasynyń oqytýshysy, Kúıshiler odaǵynyń múshesi, Mádenıet salasynyń úzdigi, Jiger Bertisovtiń «Kúı ǵumyr» atty shyǵarmashylyq keshin berdi.
Keshke kelgen kórermender óner maıtalmandarynyń sheberlikterine kýá bolyp naǵyz rýhanı demalys aldy.
Kesh «Aqjaýyn» orkestriniń oryndaýynda Jantóreniń «Shalqyma» kúıimen shymyldyǵyn ashyldy.
Osynaý Ulttyq ónerimizdi dáripteý jolynda Birikken Arab Ámirlikteri, Fransıa, Koreıa, Túrkıa syndy elderde óner kórsetip, qazaq kúıleriniń qudiretin pash etip júrgen Jiger Bertisov Temirbektiń tókpesi, Áshimtaıdyń «Qońyr qazyn», Súgirdiń «Toǵyz toraýyn», Ketbuǵanyń «Aqsaq qulan» syndy tanymal kúılerdi tógilte oryndady.
Ónerdegi júrgen inilerine aq tilegimen arqalap quttyqtaı kelgen kesh qonaqtary QR eńbek sińirgen qaıratkeri Erkin Shúkiman Estaıdyń áni «Iýran-aı», QR eńbek sińirgen qaıratkeri Sáýle Janpeıisova «Mahambettiń termesi», halyq áni «Aq suńqar», QR mádenıet salasynyń úzdigi Amangeldi Kúzeýbaı Balýan Sholaqtyń áni «Ǵalıa», Esenqul Jaqypbekovtyń «Aldaı-aý!» tolǵaýyn oryndap, kórermenderdi bir silkindirip tastady.
Sonymen qatar QR eńbek sińirgen qaıratkeri Bilál Ysqaqov pen «Aqjaýyn» kameralyq orkestriniń jetekshisi, Qazaqstan Respýblıkasy memlekettik syılyǵynyń laýreaty, «Parasat», «Qurmet» ordenderiniń ıegeri, Qazaqstannyń halyq artısi, kúıshi-kompozıtor Seken Turysbek artynan ergen talantty shákirtine óz tilegin aıtyp, lebizin kúımen jalǵady.
Quttyqtap kelgenderdiń ishinde aqyn, Halyqaralyq ádebıet jáne óner qaýymdastyǵy vıse-prezıdenti - Saıat Qamshyger,QR Mádenıet salasynyń úzdigi, Qazaqstan jazýshylar odaǵynyń múshesi, Mahambet syılyǵynyń laýreaty, respýblıkalyq Kúıshiler odaǵynyń Almaty fılıalynyń tóraǵasy Talap Qarash, Almaty oblysynyń Mádenıet, arhıvter jáne qujattama basqarmasynyń basshysy Danıar Abzalıdenuly, Abaı oblysy Úrjar aýdany ákiminiń keńesshisi.
Saılaýǵazy Sharyqbaev - Aýdan ákiminiń marapatyn tabys etti.
Odan ári kesh ıesi «Aq jaýyn» orkestriniń súıemeldeýimen birqatar tyń shyǵarmalardy oryndap kelýshilerdi keremet áserge bóledi.