Búgin mereke qarsańynda Alataý aýdanynyń ákimi Talǵat Malybaev komýnaldyq qyzmettiń úzdik qyzmetkerlerin quttyqtady.
«Aýdannyń úzdik komýnaldyq qyzmetkeri» ataǵyn berýde turǵyndarmen qarym-qatynas jáne qyzmetkerler bekitilgen aýlalar men turǵyn úılerdiń jaǵdaıy basty krıterıı sanaldy.
Aýdan ákimi komýnaldyq qyzmet ókilderine adal eńbegi úshin alǵys bildire otyryp:
– Naýryz merekesine oraı uıymdastyrylǵan bul shara qalamyzdyń tazalyǵy men tártibin qamtamasyz etýge baǵyttalǵan kez kelgen mamandyqtyń mańyzdylyǵyn kórsetedi, – dedi marapattaý kezinde.
Ol sondaı-aq:
– Bizdiń qyzmetkerlerimizdiń kásibı biliktiligi men jaýapkershiligi – óz isin shyn máninde sapaly atqarǵysy keletin árbir janǵa úlgi. Búgingi jeńimpazdarymyz da óz jumysyna keshendi kózqaraspen qaraıtyn naǵyz mamandar ekenin dáleldedi, – dep túıindedi sózin Talǵat Malybaev.
Marapatqa ıe bolǵandardyń biri Asqat Qypshaqbaev aýdan basshylyǵyna ózderine kórsetilgen qurmet úshin alǵysyn bildirdi.
– Óz jumysymda eshqandaı erekshelik kórmeımin. Meniń mindetim – Saıaly shaǵynaýdanynda tazalyqty saqtaý. Men marapat nemese syılyq alý úshin jumys istegen joqpyn, men úshin eń bastysy – jergilikti turǵyndardyń alǵysy. Olar «tazalyq – tek jınaǵan jerde emes, lastamaıtyn jerde bolady» degen qaǵıdany ustanatynyn túsinse, men úshin úlken jetistik. Árıne, aýdan basshylyǵynyń eńbegimizdi eskergeni qýantady. Bolashaqta da Almatynyń tazalyǵy men turǵyndardyń jaıly ómir súrýi úshin aıanbaı eńbek etemin, – dedi Asqat Qypshaqbaev.
Alataý aýdanyndaǵy komýnaldyq qyzmettiń úzdik qyzmetkerleri dep tanylǵandar:
1. Amangeldi Nurtazın
2. Erjan Qujemqulov
3. Dıdar Qonysbaev jáne Asqat Qypshaqbaev