Búgin Almaty naǵyz kóktem merekesiniń ortalyǵyna aınaldy.
Qalada Naýryz meıramy erekshe sán-saltanatpen toılanyp jatyr, dep habarlaıdy aqshamnews.kz
Merekelik alańdar megapolıstiń túkpir-túkpirinde paıda boldy. Olardyń biri - Alataý aýdanyndaǵy Ýnıversıadnaıa kóshesi. Munda kóptep kıiz úıler tigilip, merekelik sahna quryldy. Sondaı-aq ADD ústel tenısi ortalyǵynyń aldynda ulttyq sport túrlerinen, onyń ishinde qazaq kúresten balalar men jasóspirimder arasynda jarys ótti.
“Alataý barysy” atalǵan týrnırge sport mektepteriniń tárbıelenýshileri, aýdan balalary qatysty.
- Alataý aýdany ákimdiginiń bastamasymen Naýryz merekesine oraı ulttyq sport túrlerinen jarys uıymdastyryldy. Atap aıtqanda, balalar arqan tartys, qol kúres, asyq atý jáne qazaq kúresten baq synap jatyr. Qazaq kúresten “Alataý barysy” týrnırine 2012-2017 jylǵy 120 bala 14 salmaq boıynsha qatysyp jatyr, - dedi jarys uıymdastyrýshysy Asqarbek Ibragımov.