TJM qutqarýshylary turǵyndar arasynda profılaktıkalyq jumys júrgizýde
Ústimizdegi jyldyń 28 aqpanda Azamattyq qorǵanys jáne áskerı bólimder komıteti tóraǵasynyń m.a. K.A.Tursynbaevtyń., TJ mınıstrliginiń Tótenshe jaǵdaılardyń aldyn alý jáne joıý departamentteriniń bastyqtary, Almaty qalasy TJD bastyǵy N.B.Atyǵaevtiń basshylyǵymen 120-dan astam qyzmetkerge, onyń ishinde TJM 28237 áskerı bólimi áskerı bólim qutqarýshylaryna TJM azamattyq qorǵaý salasyndaǵy ulttyq ǵylymı zertteýler, daıarlaý jáne oqytý ortalyǵynyń oqytýshylarymen nusqaýlyq ótkizildi.
Ári qaraı qutqarýshylar Almaty qalasynyń barlyq aýdanyndaǵy kópqabatty úılerdegi turǵyndardy úgit-nasıhatpen qamtý úshin 8 topqa bólindi.
Profılaktıkalyq is-sharanyń maqsaty – halyqtyń ekstremaldy jaǵdaılarda is-áreketke daıyndyq deńgeıin arttyrý, sondaı-aq jer silkinisi kezindegi birinshi kezektegi is-áreketter týraly aqparat berý úshin azamattardy barynsha qamtý.
Aıta ketý jón, qalada azamattyq qorǵaý qyzmetkerleriniń kóbeıýine baılanysty keıbir turǵyndardan alańdaýshylyq týdyrdy: PIK, MIU vatsap chattarynda, tabıǵı apatpen baılanystyratyn suraqtar túse bastady. Alaıda, qutqarýshylar – alańdaýǵa negiz joq! Bul kóp qabatty úılerdegi aralaý-aldyn alý jumystardyń kúsheıtilýi, dep túsindiredi.
Mamandardyń aıtýynsha, kópqabatty úılerdegi qaýipsizdik tek memlekettik organdarǵa ǵana emes, barlyq qajetti erejelerdi saqtaýǵa tıis turǵyndardyń ózderine de baılanysty.
Halyqtyń qaýipsizdik mádenıetin arttyrý boıynsha jumystar jalǵasýda. Esterińizge sala keteıik, tótenshe jaǵdaılar mınıstri ókimimen TJM jedel toby megapolıs turǵyndary arasynda aýqymdy úgit-nasıhat jumystaryn bastady.