Mes qalasynda ústel tenısinen jasóspirimder arasyndaǵy WTT Youth Contender týrnıri máresine jetti
15 jasqa deıingi sportshylar arasynda qazaqstandyq Alan Qurmanǵalıev jeńiske jetti, dep habarlaıdy Almaty-akshamy.kz Olympic.kz-ke silteme jasap.
Alan týrnır barysynda ýkraınalyq Anton Derlúkti, rýmynıalyq Rares Kýesdındi, Domınıkan Respýblıkasynyń ókili Rafael Kabrerýdi, koreıalyq Lı Chonmokany, polshalyq Rafal Formelany, fransıalyq Natan Lamdy jáne onyń otandasy Flavıen Kotondy utyp, birinshi oryn ıelendi. Ol qarsylastarynyń bárin 3:1 jáne 3:0 esebimen utqan.
19 jasqa deıingi spotshylar sanatynda Sanjar Jubanov óz tobynan shyǵyp, 1/32 fınalǵa ótti.
Al Tımofeı Gerasımenko eki oıynda da utylyp, toptaǵy sońǵy orynǵa turaqtady.