Ortalyqty materıaldyq-tehnıkalyq jabdyqtaý boıynsha jumystar bastalyp ketti.
Qazaqstanda seleksıonerler qaýymdastyǵy jáne daqyldardyń ulttyq genetıkalyq banki quryldy, dep habarlaıdy Almaty-akshamy.kz Eldala.kz silteme jasap.
«Biz Qazaqstanda jumys isteıtin seleksıonerler qaýymdastyǵyn quryp jatyrmyz. Oǵan negizinen bizdiń enshiles uıymdardyń qyzmetkerleri, ǵalymdary kiredi. Biraq bul seleksıonerler qaýymdastyǵy ashyq, biz barlyǵyn yntymaqtastyqqa shaqyramyz. Mundaı qoǵamdyq uıymdar qajetti zańnamalyq aktilerdi, memlekettik qoldaý sharalaryn durys daıyndaýǵa múmkindik beredi dep sanaımyz, óıtkeni qoǵamdyq qaýymdastyqtar ǵalymdardyń, bıznestiń barlyq suranystaryn jınaqtaıtyn bolady», - dedi «Tuqym-2022» tuqym kúni» kelisimshart konferensıasynda UAǴBO basqarma tóraıymy Gúlmıra Isaeva.
Sonymen qatar, Qazaq eginshilik jáne ósimdik sharýashylyǵy ǴZI bazasynda bıyl ulttyq genetıkalyq bank iske qosylady. Ony qurý úshin ǵalymdar úlken jumys atqardy.
«Ekspedısıalar júrgizildi, bizdiń enshiles uıymdarymyzdaǵy barlyq genetıkalyq resýrstardyń bar-joǵy tizimdeldi. Bul aýyl sharýashylyǵy ósimdikteriniń 64 myńnan astam úlgisi. Osy ortalyqty materıaldyq-tehnıkalyq jabdyqtaý boıynsha jumystar bastalyp ketti. Meniń oıymsha, bıyl, áriptester, biz sizderdi osy ulttyq genetıkalyq bankti ashýǵa shaqyramyz», - dep atap ótti UAǴBO basshysy.
Gúlmıra Isaevanyń baǵalaýy boıynsha, halyqaralyq talaptarǵa saı keletin genetıkalyq banktiń ózin qurý prosesi birneshe jylǵa sozylady. Biraq bul baǵyttaǵy alǵashqy qadamdar jasaldy.
Taǵy bir mańyzdy mindet tuqym salasyn materıaldyq-tehnıkalyq jabdyqtaý bolyp tabylady. Seleksıamen aınalysatyn memlekettik jáne jeke uıymdarǵa qazirgi tehnıka túrlerine, jabdyqtar men zerthanalarǵa qoljetimdilikti qamtamasyz etý qajet. Bul Qazaqstandaǵy tuqym sharýashylyǵy seleksıasynyń deńgeıin edáýir arttyrýǵa múmkindik beredi.