Bıletti de 180 táýlik buryn brondaýǵa bolady.
Bıyldan bastap Alakólge «Talgo» poıyzy qatynaıdy, dep habarlaıdy Almaty-akshamy.kz
Týrıserge yńǵaıly bolý úshin alǵash ret Alakólge «Astana-Dostyq» baǵyty boıynsha «Talgo» poıyzy iske qosylady.
«Bıyl Alakól baǵytynda Astana, Almaty, Shyǵys Qazaqstan jáne Abaı oblystarynan 11 baǵdar qatynaıdy. Alǵash ret «Astana-Dostyq» baǵyty boıynsha «Talgo» poıyzy júredi», - dep habarlaıdy «QTJ» kompanıasy.
Byltyr Alakól jaǵalaýyna temirjol kóligimen 243 myń jolaýshy jetkizilgen. Kóbi elimizdiń ońtústik óńirinen bardy – 118 myń adam. Soltústik aımaqtan kólge jáne keri baǵytta 72 myń jolaýshy, SHQO-dan 52 myń adam tasymaldandy.
«2023 jyly jolaýshylar oryndarynyń sanyn 6%, ıaǵnı 276 myńǵa deıin ulǵaıtý josparlanyp otyr», - dep málimdedi kompanıa.
Bıyl týroperatorlar úshin komersıalyq poıyzdarǵa bıletterdi erte – poıyz jóneltilgenge deıin 180 táýlikten bastap brondaý tártibi kúshinde bolady.
«Jolaýshylar tasymaly» AQ ákimdiktermen, áýe kompanıalarymen jáne avtotasymaldaýshylarmen birlesip Shymkent, Pavlodar, Óskemen, Qyzylorda qalalarynan Alakól baǵytynda ıntermodaldy tasymaldaýdy (kóliktiń eki nemese odan da kóp túrimen tasymaldaý) qalyptastyrý máselesin qarastyrady. Intermodaldyq tasymaldy damytý jónindegi jumys toby qurylady.