Jetisý oblysynyń qutqarýshylary jartastan qulap ketken balyqshyǵa kómek kórsetti, dep habarlaıdy Almaty-akshamy.kz Jetisý oblysy TJD baspasóz qyzmetine silteme jasap.
2023 jylǵy 13 qazan kúni saǵat 18.20-da TJD qutqarýshylaryna Alakól aýdanyndaǵy Yrgaıty ózeniniń jaǵasynda adam jartastan qulap, ózdiginen shyǵa almaı jatqany týraly habarlama kelip tústi. TJD jedel - qutqarý jasaǵynyń qutqarýshylary dereý oqıǵa ornyna shyqty.
Oqıǵa ornyna kelgennen keıin, er adam balyq aýlaý kezinde abaısyzda bıik jaǵalaýdan qulap, ártúrli arqa jaraqattaryn alyp, ózdiginen qozǵala almaǵany anyqtaldy. Oqıǵa kýágerleri ony jaǵaǵa shyǵaryp, 112 nómirine qońyraý shaldy. Qutqarýshylar zardap shekken adamdy zembilmen kóterip, jartasty, taýly jerlermen jaıaý jedel medısınalyq kómek ekıpajyna jetkizdi.
Qutqarý operasıasy aıaqtalǵannan keıin zardap shekken adam Alakól aýdandyq ortalyq aýrýhanasyna jatqyzyldy.
Jetisý oblysy TJD kúzgi balyq aýlaý kezinde sý aıdyndarynda qaýipsizdik erejelerin saqtaý qajettigin eske salady:
- balyq aýlaýǵa barǵanda aýa-raıynyń boljamyn eskerý qajet: jeldi aýa-raıynda jáne qarańǵyda sý qoımasyna barmańyz, bul qaýipti;
- jazataıym oqıǵalardy boldyrmaý úshin jaǵadan alys ketpeı, balyq aýlaǵan durys. Sý aıdynyna barar aldynda balyq aýlaý orny, sondaı-aq qaıtyp oralý ýaqyty týraly týǵan-týystaryńyzǵa eskertińiz;
- bortta qutqarý jáne sıgnal berý quraldary bolýy qajet;
- qaıyqtan balyq aýlaý erejeleriniń biri-júze bilý. Bul daǵdy ózińizdi jáne seriktesińizdi qutqarýǵa kómektesedi.
Esińizde bolsyn! Saqtyq sharalaryn elemeý jazataıym oqıǵalarǵa, keıde qaıǵyly jaǵdaılarǵa ákelýi múmkin.