Joǵarǵy sot Reseıden Qazaqstanǵa kúmándi tarıhy bar avtokólikterdi jalǵan qujattarmen kirgizgen úsh qazaqstandyqqa qatysty qylmystyq is boıynsha sońǵy sheshimin shyǵardy. Úsh alaıaqtyń biri shartty jazaǵa tartyldy, dep habarlaıdy aqshamnews.kz.
Sot derekterine súıensek, Barıev, Qyzbıkenov jáne Bıbitov asa iri kólemde alaıaqtyq jasaǵany úshin aıyptaldy. Tergeý málimetterine sáıkes, aıyptalýshylar qylmystyq sqemany uıymdastyrǵan. Barıev Reseı aýmaǵynda qujattary joq, kepilde turǵan nemese izdeýde júrgen kólikterdi taýyp, Qyzbıkenov jáne Bıbitov esimdi "seriktesterimen" birge jalǵan qujattar daıyndap, Qazaqstanda satqan.
Qyzbıkenov Barıevke óz tanystarynyń jeke kýálikteriniń kóshirmelerin berip, alaıaqtyqty júzege asyrýǵa kómektesken. Osylaısha, kúdiktiler jalǵan qujattardy daıyndap, kólik satyp alýshylardy aldap, zańsyz kiris tapqan.
Kerek derek:
- Qazaqstanǵa sońǵy jyldary kólikterdiń ımport kólemi edáýir artty.
- 2023 jyly Qazaqstanǵa 250 myńnan astam avtokólik ákelingen, onyń ishinde Reseıden keletin kólikterdiń sany aıtarlyqtaı kóp.
- Reseıden kóbinese arzan baǵamen eski kólikter ákelinedi, alaıda olardyń qujattarynyń zańdylyǵy árqashan da kúmán týdyrady.
- Alaıaqtar osy jaǵdaıdy paıdalanyp, jalǵan qujattarmen kólikterdi satýdy bızneske aınaldyrǵan.