Adamdardy aldaýmen aqsha taýyp kelgen alaıaq qolǵa tústi.
Almaly aýdandyq polısıa basqarmasynda 26 jastaǵy A. esimdi azamatqa qatysty QR QK-niń 190-baby 4-bóligimen qylmystyq is tirkeldi, dep habarlaıdy Almaty-akshamy.kz Polisia.kz-ke silteme jasap.
«Ol shahar turǵyndaryn aldady degen kúdikke ilindi. Dálirek aıtsaq, A. esimdi azamat salǵan aqshasyn paıyzben qaıtarýǵa ýáde berip, túrli bıznes jobalarǵa ınvestorlardy tartqan. Onyń áreketinen keltirilgen jalpy shyǵyn 50 mıllıon teńgeni qurady. Jedel sharalar júrgizildi. Kúdikti ustaldy. İsti qaraý barysynda onyń osyǵan uqsas birneshe epızodtarǵa qatysy bar ekeni anyqtaldy. Ol 2019 jyldan beri bızneske aqsha salamyn degen jeleýmen jergilikti turǵyndardyń aqshasyn jymqyrǵan. Qazir zardap shekkenderdiń naqty sany anyqtalýda, sebebi keıbiri áli polısıaǵa aryz jazbaǵan», – deıdi Almaly aýdandyq polısıa basqarmasynyń bastyǵy Esen Ysqaqov.
Tergeý barysynda ustalǵan adamǵa qatysty qamaýǵa alý túrindegi bultartpaý sharasy tańdaldy. Ol ýaqytsha ustaý ızolátoryna qamaldy.
Osy adamnyń áreketinen zardap shekken azamattardy polısıa qyzmetkerleri Almaly aýdandyq PB-ǵa nemese myna telefon nómirlerine habarlasýdy suraıdy: 8-705-555-77-63; 8-775-747-77-78; 8-778-481-19-00.