ál-Farabı dańǵylynyń soltústik betin ortasha jóndeý kestege sáıkes júrgizilip keledi: kelesi ýchaskede jóndeý jumystary bastalady, dep habarlaıdy almaty-akshamy.kz
Almatyda ál-Farabı dańǵylyndaǵy jol jóndeý jumystary kestege sáıkes júrgizilip keledi jáne jańa oqý jylyna deıin aıaqtalady. Qazirgi ýaqytta Toraıǵyrov kóshesinen Dostyq dańǵylyna deıingi joldyń ońtústik jaǵynda jóndeý jumystary aıaqtaldy – qozǵalys ashyq. Soltústik betinde Dostyq dańǵylynan Seıfýllın dańǵylyna deıin jol jóndelip, kólik qozǵalysy qalpyna keltirildi.
Kelesi jóndeletin bólik – Seıfýllın dańǵylynan Esentaı ózeniniń ústinen ótetin kópirge deıin.
Jóndeý jumystary kezinde ol qozǵalysy qaýipsizdigin qamtamasyz etý jáne ótkizý qabilettiligin arttyrý úshin kelesi shara qoldanylady:
- 27 shilde saǵ.23-00-den 29 shilde 07-00-ge deıin polımerli asfáltbeton jabynyn tóseý jumystary júrgizilip, kólik qozǵalysy tolyǵymen shekteledi;
- 28 shilde saǵ.07-00-den 00-00-ge deıin Seıfýllın dańǵyly men Esentaı ózeninen ótetin kópir aralyǵynda reversıvti qozǵalys bolady. Batys jáne shyǵys baǵyttaǵy jolaqtar sanyn qalyptasqan jaǵdaıǵa qaraı patrúldik polısıa qyzmetkerleri anyqtaıtyn bolady;
- qarańǵy ýaqytta jol-kólik oqıǵalarynyń aldyn alý maqsatynda 29 shilde saǵ. 00-00 men 07-00 aralyǵynda atalǵan ýchaskede batys baǵytta kólik qozǵalysy tolyǵymen shekteledi.
- 27 shilde saǵ. 23-00-den 29 shilde saǵ.7-00 aralyǵynda Seıfýllın dańǵylynan batys baǵytta ál-Farabı dańǵylyna burylys, Markov, Shashkın kóshelerinen kirip-shyǵatyn jol jabyq bolady. Aınalyp ótý Seıfýllın dańǵ., Popov, Tımırázev kósheleri arqyly uıymdastyrylady.
- ál-Farabı dańǵylynan Seıfýllın dańǵylyna soltústik baǵytta burylystarda kólik qozǵalysy ashyq bolady.
Jol qozǵalysyna qatysýshylardyń qaýipsizdigin patrúldik polısányń 6 ekıpajy qamtaamsyz etedi. Jyldamdyqty 40km\saǵ shekteý týraly belgileri qoıylyp, jolaqtar konýsty fıshkalarmen belgilenedi. Reversıvti qozǵalys aldynda eki jaqtan kólik aǵyndaryn bólip turatyn metal týrnıketter qoıylady.
Qozǵalys qaýipsizdigin patrúldik polısıanyń qyzmetkerleri qamtamasyz etedi. Jol jóndeý jumystary jaıly sońǵy jańalyqtar qala ákimdigi men qalalyq mobıldilik basqarmasynyń resmı paraqshalarynda, sonymen qatar, 2GIS qosymshasynda qoljetimdi.
Esterińizge sala keteıik, Almatydaǵy magıstraldyq kóshelerge jol tósemin tóseýde alǵash ret jańa tehnologıalardy qoldanyldy. Asfáltbetondardyń quramynda polımerler qoldanylady. Mundaı qospalar tozýǵa tózimdi, jumsarý temperatýrasy joǵary (65-70°C), ystyqqa tótep berip, áldeqaıda uzaǵyraq qyzmet etedi. Qazirgi 5 jyldyń ornyna 8-10 jyl paıdalanýǵa bolady.
Jol jóndeý jumystary 2023 jylǵa josparlanǵan jumystar aıasynda júrgizilip otyr. Ýaqytsha qolaısyzdyqtar úshin keshirim ótinemiz. Bul qala joldary uzaǵyraq paıdalanýǵa qajetti shara. Marshrýtty aldyn ala josparlap alyńyzdar.
Marshrýttardyń ýaqytsha sqemasy
№ 38 – batys baǵytta - ál-Farabı dańǵyly - Seıfýllın dańǵyly - Sátbaev kóshesi - Jandosov kóshesi - Jarokov kóshesi – ál-Farabı dańǵyly - budan ári sqema boıynsha;
№38a - keri baǵytta ózgerissiz;
№63 - Nazarbaev dańǵyly - Sátbaev kóshesi - Seıfýllın dańǵyly - Tımırázev kóshesi - Jarokov kóshesi - ál-Farabı dańǵyly - budan ári sqema boıynsha;
№63a - keri baǵytta ózgerissiz;
№ 86 - batys baǵytta - ál-Farabı dańǵyly - Seıfýllın dańǵyly - Sátbaev kóshesi - Jandosov kóshesi - Jarokov kóshesi - ál-Farabı dańǵyly - budan ári sqema boıynsha;
№86 - keri baǵytta ózgerissiz;
№ 127 - batys baǵytta - ál-Farabı dańǵyly - Seıfýllın dańǵyly - Sátbaev kóshesi - Jandosov kóshesi - Jarokov kóshesi - Isınalıev kóshesi - budan ári sqema boıynsha;
№127 - keri baǵytta ózgerissiz;
№ 211 - batys baǵytta - Seıfýllın dańǵyly - Tımırázev kóshesi - Jarokov kóshesi - ál-Farabı dańǵyly - budan ári sqema boıynsha;
№211 - keri baǵytta ózgerissiz.
Barlyǵy: 5 marshrýttyń sqemasy ózgertildi.
Kúni: 2023 jylǵy 27 shilde saǵat 23:00-den 29 shilde saǵat 06:00-ge deıin.