Bostandyq aýdanynda jalpy uzyndyǵy 28 shaqyrym bolatyn 24 kóshe ortasha jóndeýden ótedi. Jumys mamyr aıynda bastalyp, qarasha aıynda aıaqtalady. Bul týraly qala ákimi Erbolat Dosaev qala turǵyndarymen kezdesýde málimdedi, dep habarlaıdy Almaty-akshamy.kz
«Jyl basynan beri aýdany 1,7 myń sharshy metr 20 kóshede shuńqyrlardy jóndeý jumystary júrgizildi. Osy baǵyttaǵy jumys jalǵasady. Ortalyqsyzdandyrý aıasynda bıylǵy jyldan bastap joldardy aǵymdaǵy jóndeýdi aýdan ákimdikteri júrgizedi», - dedi qala basshysy.
Aýdanda 250 mln teńgege jalpy aýdany 16,5 myń sharshy metr joldy jóndeý josparlanǵan. Maýsym aıynda ál-Farabı dańǵylyndaǵy Esentaı ózeni arqyly ótetin kópir qaıta jańartylyp, erekshe qajettiligi bar adamdar úshin 2 kópir men pandýstar ornatylady.