2023 jyly ál-Farabı daǵylynyń Toraıǵyrov kóshesindegi jolaıryqtan Dostyq dańǵylyndaǵy jolaıryqqa deıingi aralyǵyndaǵy jalpy uzyndyǵy 9,3 shaqyrymdy quraıtyn bóliginde ortasha jóndeý jumystary júrgizý josparlanǵan. Qazirgi kezde jóndeý jumystary kólik qozǵalysyn ishinara shektep qana júrgizilýde.
Jóndeý jumystary aıasynda joldaǵy jıektastardy tegisteý qarastyrylǵan. Tegisteý kezinde jıektastar alynyp, joldyń boıynda tıisti deńgeıde qaıta ornatylady.Jóndeý jumystary júrip jatqan aýmaqta 34 500 m jıektas bolsa, sonyń tek 7683 metri ǵana alynyp, sol jerge qaıta ornatylady.
Merdiger uıym ókilderi atap ótkendeı, jıektastar aýystyrylmaıdy, sebebi olar granıtten jasalǵan jáne óte tózimdi. Olar tek tegisteledi. «Tegisteý degenimiz – qısaıǵan jıektastardy alyp, qaıta ornyna ornatý. Jol qozǵalysy kezinde jıektastarǵa mashınalar tıip ketýi múmkin nemese arnaıy tehnıka qar tazalaý kezinde qısaıtyp ketýi múmkin. Jıektas pen jol jabynynyń arasyndaǵy sańylaýlar jol betinde jaryqtardyń paıda bolýyna alyp kelýi múmkin. Jumys sapasyn arttyrý úshin asfáltty beton jabynyn tóser aldynda jıektastar tegis ári tik turýy tıis», - dedi kompanıa ókili.
Eske sala keteıik, ál-Farabı dańǵyly buǵan deıin 2010 jyly jóndelgen. Jóndeýaralyq merzimniń ótýine baılanysty tekserý jumystary júrgizilip, nátıjesinde jol boıynda shuńqyr, oıylǵan, jarylǵan, otyrǵan jerler anyqtalyp, joldyń jaǵdaıy týraly tehnıkalyq qorytyndy jasaldy. Tehnıkalyq qorytyndy negizinde atalǵan ýchaskelerdi ortasha jóndeý jumysy josparyna qosyldy.
Almaty qalalyq mobıldilik basqarmasy